عادات يوميه للعنايه بالجمال \ العنايه بالجمال

#نصائح_د_موني يسعد اوقاتكم بنات 💗💕 انشالله دايما تكونو بأحسن حال ❤🧡
شوية نصائح انا عملتها واستفدت منها وحابه افيدكم عادات يوميه صحيه جربوها يارب تفيدكم : 
- اهم نقطه الصبح اول ما تصحي تشربي كوبين ماء دافئ عالريق لغسل المعده وبينحف البطن كمان 
- استبدلي النسكافيه 3 ب 1 ب نسكافيه مع حليب خالي الدسم (بتلاقي منه مجفف ) وعسل .. واشربي متل ما بدك .. 
- صباحا اغسلي وجهك بصابون طبيعي متل صابون الورد
- بعد غسل وجهك جففيه بالفاين مو بالبشكير 
- استعملي مباشره كريم مرطب للعيون نوع ممتاز لشد منطقه العيون 
- اذا كان شغلك بيتطلب منك ساعات طويله عالكومبيوتر اعمل نضارات لحمايه عيونك ..اشعه الكمبيوتر بتعمل تجاعيد وضعف نظر وصداع 
- نهارا استعملي كريم او سيروم يحتوي واقي شمس لتضل بشرتك دايما رطبه انتبهي ما تصير بشرتك جافه 
- ما تاكلي وجبه وحده كبيره .. خدي على مدار اليوم وجبات صغار .. 
- خلي عندك فيتامين سي متوفر دايما امامك ويوم بعد يوم اشربي كاسه بعد الغدا ..بيقوي المناعه وبيساعد على انتاج الكولاجين بالجسم 
- لا تاخدي فيتامينات ومكملات غذائيه يوميه بدون فيتامين سي ..لانه الفيتامين سي هو اللي بيساعد على امتصاص الفيتامينات بالخلايا .. 
- دللي رموشك وحواجبك بسيروم مغذي ..في انواع بالصيدليات ممتازه ..افضل من الزيوت اللي ما بنعرف مضارها عالمدى البعيد 
- حممي شعرك مرتين بالاسبوع مع ماسك جوز الهند قبل الحمام بساعه 
- اتطمني دائما على قوة دمك وفيتاميناتك اذا عندك نقص في اي فيتامين لا تترددي وتاخدي الفيتامينات الحبوب متل فيتامين دال والكالسيوم والحديد والزنك اللي الها اثر مباشر على صحه الشعر والوجه والركب (بس متل ما حكتلك يفضل مع فيتامين سي ) والمكملات بتحسن الشعر والبشره والصحه بشكل عام 
- وازا ما بتحبي الخضار والفواكه متلي هههه اخترعي انواع كوكتيل واشربيه بين الوجبات .. 
- كمان نصيحه نفسيه ههههه من د.موني .. لا تستني شي من حدا ... ولا تحطي امالك بحدا .. وما تعتمدي على حدا.. كوني لنفسك كل شي.. الزوج هو اضافه لحياتك ومش كل حياتك ... خلي الك حياه ..نفسيتك هي الاساس ❤🧡
بحبكم :* 

https://www.facebook.com/groups/281625082684045/?multi_permalinks=298733714306515&notif_id=1541677843576731&notif_t=feedback_reaction_generic&ref=notif